Suliffeqarfiit kommuninut agguaanneri, akissarsialiussat aammalu suliffeqarfiit suliaqarfinnut pingaarnernut agguataarneri

Takussutissiaq 2-mi takutinneqarput suliffeqarfiit kommuninut agguaanneri aammalu akissarsialiussat pct.-inngorlugit kommuninut agguaanneri. Takussutissiami erserpoq Avannaata kommuniani aammalu Kommuneqarfik Sermersuumi suliffeqarfiit amerlanerpaajusut. Aammattaaq takuneqarsinnaavoq akissarsialiussat pct.-inngorlugit Kommuneqarfik Sermersuumi annerpaasimasut, 2018-imi akissarsialiussat 66,5 pct.-ii Kommuneqarfik Sermersuumi akiliutigineqarsimallutik.

 

Takussutissiaq 2. Suliffeqarfiit amerlassusaat kommuninut agguaallugit aammalu akissarsialiussat kommuninut pct.-inngorlugit agguataarneri, 2014-2018

	2014	2015	2016	2017	2018
	Suliffeqarfiit amerlassusaat
Kommune Kujalleq ...........	350	311	332	324	329
Kommuneqarfik Sermersooq ....	1.284	1.253	1.315	1.347	1.331
Qeqqata Kommunia ..........	509	520	536	540	544
Kommune Qeqertalik .........	424	417	435	423	427
Avannaata Kommunia ........	1.154	1.158	1.229	1.221	1.205
Paasissutissartaqanngitsut .....	86	131	113	139	126
Katillugit ..................	3.807	3.790	3.960	3.994	3.962
	Akissarsialiussat pct.-inngorlugit
Kommune Kujalleq ...........	3,9	4,0	4,3	4,1	4,0
Kommuneqarfik Sermersooq ....	63,5	66,6	65,4	66,5	66,5
Qeqqata Kommunia ..........	13,5	11,2	11,3	11,2	12,2
Kommune Qeqertalik .........	2,8	2,9	2,9	2,6	2,5
Avannaata Kommunia ........	10,2	9,2	10,8	9,6	9,5
Paasissutissartaqanngitsut .....	6,1	6,1	5,3	5,9	5,3
Katillugit ..................	100,0	100,0	100,0	100,0	100,0

Najoqqutaq: bank.stat.gl/esd3a

 

Titartagaq 2-mi takutinneqarpoq akissarsialiussat agguaqatigiissinneri kommuninut agguaallugit. 2018-imi agguaqatigiisillugu akissarsialiussat 2014-imut naleqqiullugit kommunini tamani qaffariarsimapput. Procentinngorlugu qaffariarneq annerpaaq pisimavoq Kommune Kujallermi, 2014-imiit 2018-imut qaffariaat 37,1 pct.-iulluni.

 

Titartagaq 2. Agguaqatigiisillugu akissarsialiussat kommuninut agguaallugit, 2014 aamma 2018

Najoqqutaq: bank.stat.gl/esd3a

 

Titartagaq 3-mi takuneqarsinnaavoq suliffeqarfiit 907-t akissarsialiornerit annertussusaannik 100.000 – 250.000-inik akissarsianik tunisisimasut. 636-t 250.000-500.000-inik akissarsianik tunisisimasut aammalu 588-it 10.000-50.000-inik tunisisimasut. Aalisakkanut pisanullu tunisanut kisitsisini paasissutissani aalajangersimasumik killiliussaqanngilaq, taamaattumillu suliffeqarfinni annerpaat pingajuattut 10-50.000-inik akissarsialiussani ilaapput, tunisinerit nalunaarsorneqarsimasut tamakkerlugit ilaatinneqarmata. Ukiup siulianut naleqqiullugu 2018-imi 10.000-50.000-inik tunisisimasut qaffarialaarsimapput, qaffariaat 1 pct.-iulluni.

 

Titartagaq 3. Suliffeqarfiit amerlassusaat, akissarsialiornerit annertus-susaat malillugit, 2014-2018

Najoqqutaq: bank.stat.gl/esd5a

 

Titartagaq 4-rimi takuneqarsinnaavoq suliaqarfimmi Aalisarnerup iluani suliffeqarfiit amerlanerpaajusut. Naatsorsueqqissaartarfiup kisitsisaataasiviani suliffeqarfiit amerlassussaannut paasissutissat agguaqatigiisillugu akissarsialiussat suliaqarfinnut agguataarneri katiterneqarsinnaapput. Assersuutigalugu tabelli bank.stat.gl/esd1a. Tassani takuneqarsinnavoq suliaqarfimmi Aalisarnermi suliffeqarfimmut ataatsimut agguaqatigiissillugu 1 mio.kr-t akissarsiarineqarsimasut.

 

Titartagaq 4. Suliffeqarfiit amerlassusaat, suliaqarfiit pingaarnerit malillugit, 2014-2018

Najoqqutaq: bank.stat.gl/esd6a